ဘ၀၏ အစိတ်အပိုင်းအချို့အား စုစည်းထားခြင်းမျှသာ

Saturday, May 16, 2015

Once Upon A Time


အဲဒီချိန်တုန်းကပေါ့
ရေနံဆီ မီးရောင်အောက်ဝယ်
တို့အတူတူ ပဲအခွံချွတ်တမ်းကစားကြတယ်

အဲဒီချိန်တုန်းကပေါ့
သင်ဖြူးဖျာခင်း စကားနှောရင်း
သက်ကယ်ယက်ရင်း နှီးထွင်ကြတယ်...

အဲဒီချိန်တုန်းကပေါ့
တစ်ရွာလုံးတွင်မှ တီဗွီတစ်လုံးကို
ငွေငါးမူးပေး မကြည့်အားအောင်
တူတူဝှက်လို့ ပုန်းကြတယ်...

အဲဒီချိန်တုန်းကပေါ့
လရောက်အောက်မယ်
မှိတ်တုတ်ကျီစယ် ပိုးစုန်းကြူးငယ်တို့နဲ့
အလုအယက် အပြေးပြိုင်တယ်...

အဲဒီချိန်တုန်းကပေါ့
နေ့လယ်နေ့ခင်း တပျော်တပါး
စပါးကြိတ်ရင်း ဆန်ဖွတ်ကြတယ်...

အဲဒီချိန်တုန်းကပေါ့
ကျောင်းကမ်းနဘေး လှည်းလမ်းလျှောက်လို့
စမ်းရေအေးသောက်ဖို့ ခပ်ကြတယ်...

အဲဒီချိန်တုန်းကပေါ့
မိုးဖွဲဖွဲအောက် ချောင်းမြောင်းတလျှောက်
ပုစွန်ဖမ်းရင်း ကဏန်းကောက်တယ်...

အဲဒီချိန်တုန်းကပေါ့...
.
.
.


* ရွာကိုလွမ်း၍  ရွာအကြောင်းရေးသည်




No comments:

Post a Comment